فيديو يقول: كنت عايشة بعتمة ومعي ناس كتير,وكنا عم ندور على أي ضو يوصلنا لطريق نبدا حياتنا ونحقق احلامنا,من بعيد..لاح ضو صغير, لهف قلبنا, جينا نركض لعندو بس خفنا, اي خفنا, وأقنعنا حالنا انو سراب,بس طلعت منا أحلى صرخة.. السراب صار أمل بس ضلينا خايفين, وحدن الاولاد الصغار ما خافوا, وكتبوا على حيط المدرسة.. , وايدينا بايدين بعض , تشجعنا وكسرنا الخوف, ومن يومها بدا الضو يكبر وينور طريقنا أكتر وأكتر, وهيك بدأت الحكاية, اليوم وبعد سنتين, حكياتنا صار فيها ألم وحزن, دموع ودم وجروح بالأرض و جوا القلوب, بس عم نتنفس هوا نضيف لأول مرة وكل يوم عم نكون أقرب لشمس الحرية..شمس الحياة..سوريا رح تقوم وتعيش وتضوي عالدنيا كلها لأن ثورتنا هي ثورة انسان.. ثورة من أجل الحياة.