بوستر لحملة بيكفي يحمل عنوان "بيكفي تفجير" ....
بِكفّي ..
لأنو مابدي اتقبّل ريحة البارود حتى بالمستقبل ما استسهل الكيماوي ..
لأنو مابدي اتعوّد عصوت الرصاص كرمال ما اتقبّل القصف بالمستقبل ..
لأنو تفجير اليوم متل السكود تبع مبارح ومابدي يكون في قذيفة بكرا حتى تكون متل اللي قبلها ..
بدي صرِّخ بِكفّي ..
كرمال كل طفل مابدو يبكي .. كرمال كل بنت ما بدها يغتصبوها ..
كرمال كل شب مابدو يضيع مستقبلو .. كرمال كل ام بدها يضلو ولادها جنبها ..
كرمال كل حدا مابدو يعتقلو او يخطفو ... كرمال كل حدا مامعو ياكل ..
كرمال كل حبيبة وكل حبيب .. كل اب وكل ابن .. كل رفيئ وكل رفيئة ..
كرمال نعيش سوا كلنا سوا ..
كرمال كل معارض وطني وكل مؤيد وطني ..
كرمال بعِّد شوي عن انتمائي السياسي والطائفي ونرجع لإنتمائنا الإنساني ..
بِكفّي وكفك منبني أمل ..